五月敗家 Part 4－ 救急扶危的GHD直髮夾

可以燙直燙曲是其次，最重要是。。。。救急扶危。天生頭髮鬈曲，髮質軟，毛燥，扁塌，容易潮濕和出油，缺點一大堆。

如果手藝靈巧，用風筒都可以吹出靚造型，就是因為笨手笨腳，所以才用tongs，用高溫燙直毛燥髮絲，嘗試理出一個整齊的髮型，但很多生產商就是這樣會開人玩笑，偏偏造出笨重、發熱面多，容易燙傷皮膚的tongs。

這款tongs真的貴，非常肉赤，但它很輕身，大部份有機會接觸到皮膚的組件都不發熱。有安全掣好體貼，三十分鐘會自動關機，不用擔心因趕住出門口，忘記熄機，過熱造成意外。而且用法簡單，笨拙如我，十分鐘就可以燙到整齊的髮型見人。

燙髮的時候，頭髮會冒煙，據說蒸發的是水份或油，如想減少損傷，可先搽上髮尾油，（要避開頭皮），試過幾次無搽髮尾油就tongs，結果也ok，並不乾，一個月後會補review。